- Detalles
- Publicado: 31 Octubre 2016
Días 4, 6 e 8 decembro 2016
Auditorio Mar de Vigo, 18 h
Neste ano celebramos a QUINTA edición do FESTIVAL REY RIVERO, un festival
coral no que participan as corais de Vigo pertencentes a ACOPOVI para lembrar
a memoria do mestre D. Francisco Rey Rivero e ao tempo espallar a súa
produción compositiva que abrangue habaneras, cancións galegas, panxoliñas e
unha multitude de adaptacións e arranxos para coro de cancións populares e
de todos os tempos. Por todo isto cremos que este Festival é de suma importancia para a
memoria dunha persoa que tanto adicou a Vigo e ás súas corais polifónicas.
D. Francisco Antonio Rey Rivero contou con numerosos premios e títulos.
Naceu en Vilanova de Arousa e pronto o levaron a Bos Aires. Alí fixo a carreira
musical na que obtivo Premio Extraordinario e foi distinguido coa Medalla ao mérito de
Fin de Carreira no Conservatorio Fracasi daquel país. Xa en España completou a súa
formación musical asistindo a cursos de dirección coral en Barcelona e en Loyola.
A súa vida profesional estivo totalmente vencellada a Vigo. Así, durante máis de trinta
anos dirixiu a Coral Polifónica Casablanca, coa que obtivo éxitos clamorosos en
España e por Europa, gañou primeiros premios e medallas de ouro en Portugal, Lorient
e Bruxelas, así como o Premio Nacional de Polifonía en Torrevieja.
Foi fundador da Coral do Real Club Náutico e de Ureca. Máis recentemente
creouse o Orfeón Rey Rivero no seu nome, coas corais de Valladares, Ureca e Zamáns.
Tanta dedicación foi avalada con premios como “Vigués Distinguido”, “Patrón da
Fundación Calaouste Gulbenkian” de Lisboa, “Medalla de Ouro da Real Academia
Galega de Belas Artes”, “Socio de Honra" e "Medalla de Ouro do Círculo Mercantil de
Vigo”, “Confrade de Honra da Confraría Penitencial do Santísimo Cristo” e Premio
ACOPOVI.
Francisco Antonio Rey Rivero foi un compositor que enriqueceu moitísimo a polifonía,
sobre todo a galega. As súas obras forman parte do repertorio de todas as corais:
belas habaneras, música tradicional galega e panxoliñas fixeron e fan a delicia de quen
as canta e de quen as escoita.
A súa música, aparentemente sinxela, pero moi inspirada e profunda, escrita con gran
sensibilidade, mostra a grandeza e a categoría dun mestre que fixo fácil o difícil.
Escribir música é expresar sentimentos, vivencias, e iso Rey Rivero facíao cunha
mestría insuperable, co pouso da súa longa vida, na que chegou a captar o espírito, a
esencia da música e da propia vida, só alcanzables a persoas con talento, con
sensibilidade e con gusto, mais con moito traballo, esforzo e
tenacidade.
About the author / Acopovi
Antonio Ceo
At vero eos et accusamus et iusto odio dignissimos ducimus qui blanditiis praesentium voluptatum deleniti atque corrupti quos dolores.