Son quen de poñer todo na túa man

de esquecer faiados repentinos

e sombras doutras falas que me arroupan

Son quen de verquerche abrazos de contos

brazadas xa ves de melodías

Pero deixa agora

que esquezan os nosos nomes os paxaros que ensinamos

e volvan novos ó tempo da inocencia

e... deixa deixa agora que esquezamos

onde van os nosos corpos en traslado

Entón serei eu quen lle preste

ó teu sono as fontanas de xazmín

... e as augas novas

XELA ARIAS, Denuncia do equilibrio, 1986

• Anterior
• Siguiente

About the author / Acopovi

Antonio Ceo

At vero eos et accusamus et iusto odio dignissimos ducimus qui blanditiis praesentium voluptatum deleniti atque corrupti quos dolores.